Kurti takon Sarrazin, diskutojnë për bashkëpunimin e vendeve të rajonit në kuadër të Procesit të Berlinit

17:44 | 21 Mars 2024
E.H

Kryeministri i vendit, Albin Kurti, ka zhvilluar sot një takim me të dërguarin e Gjermanisë për Ballkanin Perëndimor, Manuel Sarrazin.

Me anë të një postimi në platformën X, Kurti ka theksuar se me Sarrazin kanë diskutuar për bashkëpunimin rajonal të vendeve të Ballkanit Perëndimor në kuadër të Procesit të Berlinit, përcjell Arbresh.info.

I pranishëm në takim ishte edhe ambasadori gjerman në Kosovë, Jorn Rohde.

“Pata një mëngjes produktiv pune sot me të Dërguarin e Gjermanisë për Ballkanin Perëndimor Manuel Sarrazin, me të cilin diskutuam bashkëpunimin rajonal ndërmjet vendeve të BB6 në kuadër të Procesit të Berlinit i cili këtë vit shënon dhjetëvjetorin e tij”, ka shkruar Kurti./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm